گھر کی جب یاد صدا دے تو پلٹ کر آ جائیں

گھر کی جب یاد صدا دے تو پلٹ کر آ جائیں

کاش ہم اپنی ہی خواہش کو میسر آ جائیں

ہے کرامت مرے دل کی ترے ناوک میں نہیں

وار ہو ایک مگر زخم بہتر آ جائیں

گفتگو آج تو دو ٹوک کرے گا سورج

ظل سبحانی شبستان سے باہر آ جائیں

شب کو یلغار تفکر سے جو بچ نکلوں میں

صبح دم تازہ خیالات کے لشکر آ جائیں

اتنی سفاک سماعت بھی غضب ہے کہ جہاں

بات پوری بھی نہ ہو ہاتھوں میں پتھر آ جائیں

ghar ki jab yad sada de to palat kar a jaen

kash ham apni hi khwahish ko muyassar a jaen

hai karamat mire dil ki tire nawak mein nahin

war ho ek magar zakhm behtar a jaen

guftugu aj to do tok karega suraj

zill-e-subhani shabistan se bahar a jaen

shab ko yalghar tafakkur se jo bach nakulon mein

subh dam taza khayalat ke lashkar a jaen

itni saffak samaat bhi ghazab hai ke jahan

bat puri bhi na ho hathon mein patthar a jaen