نظر میں نت نئی حیرانیاں لیے پھریے

نظر میں نت نئی حیرانیاں لیے پھریے

سروں پہ روز نیا آسماں لیے پھریے

اب اس فضا کی کثافت میں کیوں اضافہ ہو

غبار دل ہے سو دل میں نہاں لیے پھریے

یہی بچا ہے سو اب زیست کی گواہی میں

یہی نشان دل بے نشاں لیے پھریے

قرار جاں تو سر کوئے یار چھوڑ آئے

متاع زیست ہے لیکن کہاں لیے پھریے

عجب ہنر ہے کہ دانشوری کے پیکر میں

کسی کا ذہن کسی کی زباں لیے پھریے

nazar mein nit nai hairaniyan liye phiriye

saron pe roz naya asman liye phiriye

ab is faza ki kasafat mein kyun izafa ho

ghubar-e-dil hai so dil mein nihan liye phiriye

yahi bacha hai so ab zist ki gawahi mein

yahi nishan-e-dil-e-be nishan liye phiriye

qarar-e-jan to sar-e-ku-e-yar chhor ae

mata-e-zist hai lekin kahan liye phiriye

ajab hunar hai ke danshura ke paikar mein

kisi ka zehn kisi ki zaban liye phiriye