حجرۂ ذات سے باہر تو نکل کر دیکھو

حجرۂ ذات سے باہر تو نکل کر دیکھو

تم کسی دوسرے پیکر میں بھی ڈھل کر دیکھو

کیا عجب تم کو ہی یہ ہم سفری راس آ جائے

دو قدم ہی سہی تم ساتھ تو چل کر دیکھو

ہاں یہ دستار فضیلت بھی قبائے زر بھی

خود کو دیکھو تو یہ پوشاک بدل کر دیکھو

موسم ہجر کوئی رت ہے نہ کچھ آب و ہوا

اک تقاضا ہے کہ پھر گھر سے نکل کر دیکھو

مات ہو جائے مگر حوصلۂ دل کے لیے

آخری چال جو باقی ہے وہ چل کر دیکھو

hujra-e-zat se bahar to nikal kar dekho

tum kisi dusre paikar mein bhi dhal kar dekho

kya ajab tum ko hi ye ham safari ras a jae

do qadam hi sahi tum sath to chal kar dekho

han ye dastar-e-fazilat bhi qaba-e-zar bhi

khud ko dekho to ye poshak badal kar dekho

mausam-e-hijr koi rut hai na kuchh ab-o-hawa

ik taqaza hai ke phir ghar se nikal kar dekho

mat ho jae magar hausla-e-dil ke liye

akhiri chal jo baqi hai wo chal kar dekho