وہ ایک خواب جو دیکھا گیا تھا عجلت میں

وہ ایک خواب جو دیکھا گیا تھا عجلت میں

اسی کا کرب سمیٹا ہے آج فرصت میں

یہ بات سچ ہے کہ بیگار تو نہیں یہ حیات

کہ ہم کو زخم تمنا ملے ہیں اجرت میں

زیاں یہی ہے کہ کچھ اور سوجھتا ہی نہیں

بس ایک دھیان میں رہتے ہیں لوگ شہرت میں

ہنر کہو کہ کرامت مگر یہی ہے کہ ہم

خوشی کو ڈھال بھی سکتے ہیں غم کی صورت میں

زمین جیتی ہے یا سرزمین دل اس نے

سوال تشنہ رہا جشن فتح و نصرت میں

wo ek khwab jo dekha gaya tha ujlat mein

usi ka karb sameta hai aj fursat mein

ye bat sach hai ke begar to nahin ye hayat

ke ham ko zakhm-e-tamanna mile hain ujrat mein

ziyan yahi hai ke kuchh aur sujhta hi nahin

bas ek dhyan mein rahte hain log shohrat mein

hunar kaho ke karamat magar yahi hai ke ham

khushi ko dhal bhi sakte hain gham ki surat mein

zamin jiti hai ya sarzamin dil us ne

sawal tishna raha jashn-e-fath-o-nusrat mein