زندگی نے جھیلے ہیں سب عذاب دنیا کے

زندگی نے جھیلے ہیں سب عذاب دنیا کے

بس رہے ہیں آنکھوں میں پھر بھی خواب دنیا کے

دل بجھے تو تاریکی دور پھر نہیں ہوتی

لاکھ سر پہ آ پہنچیں آفتاب دنیا کے

دشت بے نیازی ہے اور میں ہوں اب لوگو

اس جگہ نہیں آتے باریاب دنیا کے

زندگی سے گزرا ہوں کتنا بے نیازانہ

ساتھ ساتھ چلتے تھے انقلاب دنیا کے

ہم نے دست دنیا پر پھر بھی کی نہیں بیعت

جانتے تھے ہم تیور ہیں خراب دنیا کے

zindagi ne jhele hain sab azab duniya ke

bas rahe hain ankhon mein phir bhi khwab duniya ke

dil bujhe to tariki dur phir nahin hoti

lakh sar pe a pahunchen aftab duniya ke

dasht-e-be niyazi hai aur main hun ab logo

is jagah nahin ate baryab duniya ke

zindagi se guzra hun kitna be niyazana

sath sath chalte the inqilab duniya ke

ham ne dast-e-duniya par phir bhi ki nahin baiat

jante the ham tewar hain kharab duniya ke