چاند بھی بجھا ڈالا دل دکھانے والوں نے

چاند بھی بجھا ڈالا دل دکھانے والوں نے

کچھ اٹھا نہیں رکھا دل دکھانے والوں نے

ہم نے خستگی پائی دل گرفتگی پائی

خیر ہم سے کیا پایا دل دکھانے والوں نے

خوب وضع داری ہے زخم تازہ سے پہلے

ہم سے حال دل پوچھا دل دکھانے والوں نے

بے قرار ہیں آنکھیں کیسے اب لہو روئیں

خشک کر دیا دریا دل دکھانے والوں نے

سچ کہا سدا دل کو دل سے راہ ہوتی ہے

خوب ہم کو پہچانا دل دکھانے والوں نے

ان کی وجہ شہرت تو تلخ گفتگو ہی تھی

کیوں بدل لیا لہجہ دل دکھانے والوں نے

chand bhi bujha dala dil dikhane walon ne

kuchh utha nahin rakha dil dikhane walon ne

ham ne khastagi pai dil giraftagi pai

khair ham se kya paya dil dikhane walon ne

khub waza dari hai zakhm taza se pahle

ham se hal-e-dil puchha dil dikhane walon ne

be qarar hain ankhen kaise ab lahu roen

khushk kar diya dariya dil dikhane walon ne

sach kaha sada dil ko dil se rah hoti hai

khub ham ko pahchana dil dikhane walon ne

un ki wajh shohrat to talkh guftugu hi thi

kyun badal liya lahja dil dikhane walon ne