ایک سے سلسلے ہیں سب ہجر کی رت بتا گئی

ایک سے سلسلے ہیں سب ہجر کی رت بتا گئی

پھر وہی صبح آئے گی پھر وہی شام آ گئی

میرے لہو میں جل اٹھے اتنے ہی تازہ دم چراغ

وقت کی سازشی ہوا جتنے دیے بجھا گئی

میں بھی بہ پاس دوستاں اپنے خلاف ہو گیا

اب یہی رسم دوستی مجھ کو بھی راس آ گئی

تند ہوا کے جشن میں لوگ گئے تو تھے مگر

تن سے کوئی قبا چھنی سر سے کوئی ردا گئی

دل زدگاں کے قافلے دور نکل چکے تمام

ان کی تلاش میں نگاہ اب جو گئی تو کیا گئی

آخر شب کی داستاں اور کریں بھی کیا بیاں

ایک ہی آہ سرد تھی سارے دیے بجھا گئی

ek se silsile hain sab hijr ki rut bata gai

phir wahi subh aegi phir wahi sham a gai

mere lahu mein jal uthe itne hi taza dam charagh

waqt ki sazishi hua jitne diye bujha gai

main bhi ba pas dostan apne khilaf ho gaya

ab yahi rasm-e-dosti mujh ko bhi ras a gai

tund hawa ke jashn mein log gae to the magar

tan se koi qaba chhanni sar se koi rida gai

dil zadagan ke qafile dur nikal chuke tamam

un ki talash mein nigah ab jo gai to kya gai

akhir-e-shab ki dastan aur karen bhi kiya bayan

ek hi ah-e-sard thi sare diye bujha gai