درد ہے کہ نغمہ ہے فیصلہ کیا جائے

درد ہے کہ نغمہ ہے فیصلہ کیا جائے

یعنی دل کی دھڑکن پر غور کر لیا جائے

آپ کتنے سادہ ہیں چاہتے ہیں بس اتنا

ظلم کے اندھیرے کو رات کہہ دیا جائے

آج سب ہیں بے قیمت گریہ بھی تبسم بھی

دل میں ہنس لیا جائے دل میں رو لیا جائے

بے حسی کی دنیا سے دو سوال میرے بھی

کب تلک جیا جائے اور کیوں جیا جائے

اب تو فقر و فاقہ کی آبرو اسی سے ہے

تار تار دامن کو کیوں بھلا سیا جائے

dard hai ke naghma hai faisla kiya jae

yaani dil ki dharkan par ghaur kar liya jae

ap kitne sada hain chahte hain bas itna

zulm ke andhere ko rat kah diya jae

aj sab hain be qimat girya bhi tabassum bhi

dil mein hans liya jae dil mein ro liya jae

be hissi ki duniya se do sawal mere bhi

kab talak jiya jae aur kyun jiya jae

ab to faqr-o-faqa ki abru usi se hai

tar tar-e-daman ko kyun bhala siya jae