چراغ ہوں کب سے جل رہا ہوں مجھے دعاؤں میں یاد رکھیے

چراغ ہوں کب سے جل رہا ہوں مجھے دعاؤں میں یاد رکھیے

جو بجھ گیا تو سحر نما ہوں مجھے دعاؤں میں یاد رکھیے

وہ بات جو آپ کہہ نہ پائے مری غزل میں بیاں ہوئی ہے

میں آپ کا حرف مدعا ہوں مجھے دعاؤں میں یاد رکھیے

غبار ہوں آپ چاہے غازہ بنائیں یا زیر پا بچھا لیں

میں کب سے رقصاں ہوں تھک چکا ہوں مجھے دعاؤں میں یاد رکھیے

بہت ہی شائستگی سے ہر لمحہ ڈوبتی اک صدا کی صورت

میں خلوت جاں میں بجھ رہا ہوں مجھے دعاؤں میں یاد رکھیے

بلا سے یہ راہ شوق میری نہ ہو سکی پر تمہاری خاطر

مثال نقش قدم بچھا ہوں مجھے دعاؤں میں یاد رکھیے

charagh hun kab se jal raha hun mujhe duaon mein yad rakhiye

jo bujh gaya to sahar numa hun mujhe duaon mein yad rakhiye

wo bat jo ap kah na pae miri ghazal mein bayan hui hai

main ap ka harf-e-muddaa hun mujhe duaon mein yad rakhiye

ghubar hun ap chahe ghaza banaen ya zer-e-pa bichha len

main kab se raqsan hun thak chuka hun mujhe duaon mein yad rakhiye

bahut hi shaistagi se har lamha dubti ik sada ki surat

main khalwat-e-jan mein bujh raha hun mujhe duaon mein yad rakhiye

bala se ye rah-e-shauq meri na ho saki par tumhari khatir

misal-e-naqsh-e-qadam bichha hun mujhe duaon mein yad rakhiye