سانحہ نہیں ٹلتا سانحے پہ رونے سے

سانحہ نہیں ٹلتا سانحے پہ رونے سے

حبس جاں نہ کم ہوگا بے لباس ہونے سے

اب تو میرا دشمن بھی میری طرح روتا ہے

کچھ گلے تو کم ہوں گے ساتھ ساتھ رونے سے

متن زیست تو سارا بے نمود لگتا ہے

درد بے نہایت کا حاشیہ نہ ہونے سے

سچے شعر کا کھلیان اور بھرتا جاتا ہے

درد کی زمینوں میں غم کی فصل بونے سے

حادثات پیہم کا یہ مآل ہے شاید

کچھ سکون ملتا ہے اب سکون کھونے سے

saneha nahin talta sanehe pe rone se

habs jan na kam hoga be libas hone se

ab to mera dushman bhi meri tarah rota hai

kuchh gale to kam honge sath sath rone se

matn zist to sara be numud lagta hai

dard-e-be nihayat ka hashiya na hone se

sachche sher ka khalyan aur bharta jata hai

dard ki zaminon mein gham ki fasl bone se

hadsat paiham ka ye maal hai shayad

kuchh sukun milta hai ab sukun khone se