اک سزا اور اسیروں کو سنا دی جائے

اک سزا اور اسیروں کو سنا دی جائے

یعنی اب جرم اسیری کی سزا دی جائے

دست نادیدہ کی تحقیق ضروری ہے مگر

پہلے جو آگ لگی ہے وہ بجھا دی جائے

اس کی خواہش ہے کہ اب لوگ نہ روئیں نہ ہنسیں

بے حسی وقت کی آواز بنا دی جائے

صرف سورج کا نکلنا ہے اگر صبح تو پھر

ایک شب اور مری شب سے ملا دی جائے

اور اک تازہ ستم اس نے کیا ہے ایجاد

اس کو اس بار ذرا کھل کے دعا دی جائے

ik saza aur asiron ko suna di jae

yaani ab jurm asiri ki saza di jae

dast nadida ki tahqiq zaruri hai magar

pahle jo ag lagi hai wo bujha di jae

us ki khwahish hai ke ab log na roen na hansen

be hissi waqt ki awaz bana di jae

sirf suraj ka nikalna hai agar subh to phir

ek shab aur miri shab se mila di jae

aur ik taza sitam us ne kiya hai ijad

us ko is bar zara khul ke dua di jae