اب حرف تمنا کو سماعت نہ ملے گی

اب حرف تمنا کو سماعت نہ ملے گی

بیچوگے اگر خواب تو قیمت نہ ملے گی

تشہیر کے بازار میں اے تازہ خریدار

زیبائشیں مل جائیں گی قامت نہ ملے گی

لمحوں کے تعاقب میں گزر جائیں گی صدیاں

یوں وقت تو مل جائے گا مہلت نہ ملے گی

سوچا ہی نہ تھا یوں بھی اسے یاد رکھیں گے

جب اس کو بھلانے کی بھی فرصت نہ ملے گی

تا عمر وہی کار زیاں عشق رہا یاد

حالانکہ یہ معلوم تھا اجرت نہ ملے گی

تعبیر نظر آنے لگی خواب کی صورت

اب خواب ہی دیکھو گے بشارت نہ ملے گی

آئینہ صفت وقت ترا حسن ہیں ہم لوگ

کل آئنے ترسیں گے تو صورت نہ ملے گی

ab harf-e-tamanna ko samaat na milegi

bechoge agar khwab to qimat na milegi

tashhir ke bazar mein ai taza kharidar

zebaishen mil jaengi qamat na milegi

lamhon ke taaqub mein guzar jaengi sadiyan

yun waqt to mil jaega mohlat na milegi

socha hi na tha yun bhi use yad rakhenge

jab us ko bhulane ki bhi fursat na milegi

ta umr wahi kar-e-ziyan ishq raha yad

halanke ye maalum tha ujrat na milegi

taabir nazar ane lagi khwab ki surat

ab khwab hi dekhoge basharat na milegi

aina sifat waqt tira husn hain ham log

kal aine tarsenge to surat na milegi