زخم دبے تو پھر نیا تیر چلا دیا کرو

زخم دبے تو پھر نیا تیر چلا دیا کرو

دوستو اپنا لطف خاص یاد دلا دیا کرو

ایک علاج دائمی ہے تو برائے تشنگی

پہلے ہی گھونٹ میں اگر زہر ملا دیا کرو

شہر طلب کرے اگر تم سے علاج تیرگی

صاحب اختیار ہو آگ لگا دیا کرو

مقتل غم کی رونقیں ختم نہ ہونے پائیں گی

کوئی تو آ ہی جائے گا روز صدا دیا کرو

جذبۂ خاک پروری اور سکون پائے گا

خاک کرو ہمیں تو پھر خاک اڑا دیا کرو

zakhm dabe to phir naya tir chala diya karo

dosto apna lutf-e-khas yad dila diya karo

ek ilaj-e-daimi hai to bara-e-tishnagi

pahle hi ghunt mein agar zahr mila diya karo

shahr-e-talab kare agar tum se ilaj-e-tirgi

sahab-e-ikhtiyar ho ag laga diya karo

maqtal-e-gham ki raunaqen khatm na hone paengi

koi to a hi jaega roz sada diya karo

jazba-e-khak parwari aur sukun-e-paega

khak karo hamen to phir khak ura diya karo