بے دلی سے ہنسنے کو خوش دلی نہ سمجھا جائے

بے دلی سے ہنسنے کو خوش دلی نہ سمجھا جائے

غم سے جلتے چہروں کو روشنی نہ سمجھا جائے

گاہ گاہ وحشت میں گھر کی سمت جاتا ہوں

اس کو دشت حیرت سے واپسی نہ سمجھا جائے

لاکھ خوش گماں دنیا باہمی تعلق کو

دوستی کہیں لیکن دوستی نہ سمجھا جائے

ہم تو بس یہ کہتے ہیں روز جینے مرنے کو

آپ چاہیں کچھ سمجھیں زندگی نہ سمجھا جائے

خاک کرنے والوں کی کیا عجیب خواہش تھی

خاک ہونے والوں کو خاک بھی نہ سمجھا جائے

be dili se hansne ko khush dili na samjha jae

gham se jalte chehron ko raushni na samjha jae

gah gah-e-wahshat mein ghar ki samt jata hun

us ko dasht-e-hairat se wapsi na samjha jae

lakh khush guman duniya bahami taalluq ko

dosti kahin lekin dosti na samjha jae

ham to bas ye kahte hain roz jine marne ko

ap chahen kuchh samjhen zindagi na samjha jae

khak karne walon ki kya ajib khwahish thi

khak hone walon ko khak bhi na samjha jae