جو بے ثبات ہو اس سر خوشی کو کیا کیجے

جو بے ثبات ہو اس سر خوشی کو کیا کیجے

یہ زندگی ہے تو پھر زندگی کو کیا کیجے

رکا جو کام تو دیوانگی ہی کام آئی

نہ کام آئے تو فرزانگی کو کیا کیجے

یہ کیوں کہیں کہ ہمیں کوئی رہنما نہ ملا

مگر سرشت کی آوارگی کو کیا کیجے

کسی کو دیکھ کے اک موج لب پہ آ تو گئی

اٹھے نہ دل سے تو ایسی ہنسی کو کیا کیجے

ہمیں تو آپ نے سوز الم ہی بخشا تھا

جو نور بن گئی اس تیرگی کو کیا کیجے

ہمارے حصے کا اک جرعہ بھی نہیں باقی

نگاہ دوست کی مے خانگی کو کیا کیجے

جہاں غریب کو نان جویں نہیں ملتی

وہاں حکیم کے درس خودی کو کیا کیجے

وصال دوست سے بھی کم نہ ہو سکی راشدؔ

ازل سے پائی ہوئی تشنگی کو کیا کیجے

jo be sabat ho is sar khushi ko kya kije

ye zindagi hai to phir zindagi ko kya kije

ruka jo kam to diwangi hi kam ai

na kam ae to farzanagi ko kya kije

ye kyun kahin ke hamen koi rahnuma na mila

magar sarisht ki awargi ko kya kije

kisi ko dekh ke ik mauj-e-lab pe a to gai

uthe na dil se to aisi hansi ko kya kije

hamen to ap ne soz-e-alam hi bakhsha tha

jo nur ban gai is tirgi ko kya kije

hamare hisse ka ik jura bhi nahin baqi

nigah-e-dost ki mai khangi ko kya kije

jahan gharib ko nan-e-jawin nahin milti

wahan hakim ke dars-e-khudi ko kya kije

wisal-e-dost se bhi kam na ho saki rashid

azal se pai hui tishnagi ko kya kije