دیکھا ہوا سا کچھ ہے تو سوچا ہوا سا کچھ

دیکھا ہوا سا کچھ ہے تو سوچا ہوا سا کچھ

ہر وقت میرے ساتھ ہے الجھا ہوا سا کچھ

ہوتا ہے یوں بھی راستہ کھلتا نہیں کہیں

جنگل سا پھیل جاتا ہے کھویا ہوا سا کچھ

ساحل کی گیلی ریت پہ بچوں کے کھیل سا

ہر لمحہ مجھ میں بنتا بکھرتا ہوا سا کچھ

فرصت نے آج گھر کو سجایا کچھ اس طرح

ہر شے سے مسکراتا ہے روتا ہوا سا کچھ

دھندلی سی ایک یاد کسی قبر کا دیا

اور میرے آس پاس چمکتا ہوا سا کچھ

dekha hua sa kuchh hai to socha hua sa kuchh

har waqt mere sath hai uljha hua sa kuchh

hota hai yun bhi rasta khulta nahin kahin

jangal sa phail jata hai khoya hua sa kuchh

sahil ki gili ret pe bachchon ke khel sa

har lamha mujh mein banta bikharta hua sa kuchh

fursat ne aj ghar ko sajaya kuchh is tarah

har shai se muskurata hai rota hua sa kuchh

dhundli si ek yad kisi qabr ka diya

aur mere as pas chamakta hua sa kuchh