اچھی نہیں یہ خامشی شکوہ کرو گلہ کرو

اچھی نہیں یہ خامشی شکوہ کرو گلہ کرو

یوں بھی نہ کر سکو تو پھر گھر میں خدا خدا کرو

شہرت بھی اس کے ساتھ ہے دولت بھی اس کے ہاتھ ہے

خود سے بھی وہ ملے کبھی اس کے لیے دعا کرو

دیکھو یہ شہر ہے عجب دل بھی نہیں ہے کم غضب

شام کو گھر جو آؤں میں تھوڑا سا سج لیا کرو

دل میں جسے بساؤ تم چاند اسے بناؤ تم

وہ جو کہے پڑھا کرو جو نہ کہے سنا کرو

میری نشست پہ بھی کل آئے گا کوئی دوسرا

تم بھی بنا کے راستہ میرے لیے جگہ کرو

achchhi nahin ye khamushi shikwa karo gila karo

yun bhi na kar sako to phir ghar mein khuda khuda karo

shohrat bhi us ke sath hai daulat bhi us ke hath hai

khud se bhi wo mile kabhi us ke liye dua karo

dekho ye shahr hai ajab dil bhi nahin hai kam ghazab

sham ko ghar jo aun main thora sa saj liya karo

dil mein jise basao tum chand use banao tum

wo jo kahe parha karo jo na kahe suna karo

meri nashist pe bhi kal aega koi dusra

tum bhi bana ke rasta mere liye jagah karo