جسے دیکھتے ہی خماری لگے

جسے دیکھتے ہی خماری لگے

اسے عمر ساری ہماری لگے

اجالا سا ہے اس کے چاروں طرف

وہ نازک بدن پاؤں بھاری لگے

وہ سسرال سے آئی ہے مائکے

اسے جتنا دیکھو وہ پیاری لگے

حسین صورتیں اور بھی ہیں مگر

وہ سب سیکڑوں میں ہزاری لگے

چلو اس طرح سے سجائیں اسے

یہ دنیا ہماری تمہاری لگے

اسے دیکھنا شعر گوئی کا فن

اسے سوچنا دین داری لگے

jise dekhte hi khumari lage

use umr sari hamari lage

ujala sa hai us ke charon taraf

wo nazuk badan paon bhari lage

wo susral se ai hai maike

use jitna dekho wo pyari lage

hasin suraten aur bhi hain magar

wo sab saikron mein hazari lage

chalo is tarah se sajaen use

ye duniya hamari tumhari lage

use dekhna sher goi ka fan

use sochna din dari lage