رات کے بعد نئے دن کی سحر آئے گی

رات کے بعد نئے دن کی سحر آئے گی

دن نہیں بدلے گا تاریخ بدل جائے گی

ہنستے ہنستے کبھی تھک جاؤ تو چھپ کے رو لو

یہ ہنسی بھیگ کے کچھ اور چمک جائے گی

جگمگاتی ہوئی سڑکوں پہ اکیلے نہ پھرو

شام آئے گی کسی موڑ پہ ڈس جائے گی

اور کچھ دیر یوں ہی جنگ سیاست مذہب

اور تھک جاؤ ابھی نیند کہاں آئے گی

میری غربت کو شرافت کا ابھی نام نہ دے

وقت بدلا تو تری رائے بدل جائے گی

وقت ندیوں کو اچھالے کہ اڑائے پربت

عمر کا کام گزرنا ہے گزر جائے گی

rat ke baad nae din ki sahar aegi

din nahin badlega tarikh badal jaegi

hanste hanste kabhi thak jao to chhup ke ro lo

ye hansi bhig ke kuchh aur chamak jaegi

jagmagati hui sarkon pe akele na phiro

sham aegi kisi mor pe das jaegi

aur kuchh der yun hi jang siyasat mazhab

aur thak jao abhi nind kahan aegi

meri ghurbat ko sharafat ka abhi nam na de

waqt badla to tiri rae badal jaegi

waqt nadiyon ko uchhale ke urae parbat

umr ka kam guzarna hai guzar jaegi