من بیراگی تن انوراگی قدم قدم دشواری ہے

من بیراگی تن انوراگی قدم قدم دشواری ہے

جیون جینا سہل نہ جانو بہت بڑی فن کاری ہے

اوروں جیسے ہو کر بھی ہم با عزت ہیں بستی میں

کچھ لوگوں کا سیدھا پن ہے کچھ اپنی عیاری ہے

جب جب موسم جھوما ہم نے کپڑے پھاڑے شور کیا

ہر موسم شائستہ رہنا کوری دنیا داری ہے

عیب نہیں ہے اس میں کوئی لال پری نا پھول کلی

یہ مت پوچھو وہ اچھا ہے یا اچھی ناداری ہے

جو چہرہ دیکھا وہ توڑا نگر نگر ویران کیے

پہلے اوروں سے نا خوش تھے اب خود سے بے زاری ہے

man bairagi tan anuragi qadam qadam dushwari hai

jiwan jina sahl na jano bahut bari fan kari hai

auron jaise ho kar bhi ham ba izzat hain basti mein

kuchh logon ka sidha pan hai kuchh apni ayyari hai

jab jab mausam jhuma ham ne kapre phare shor kiya

har mausam shaista rahna kori duniya dari hai

aib nahin hai is mein koi lal pari na phul kali

ye mat puchho wo achchha hai ya achchhi nadari hai

jo chehra dekha wo tora nagar nagar wiran kiye

pahle auron se na khush the ab khud se be zari hai