دن سلیقے سے اگا رات ٹھکانے سے رہی

دن سلیقے سے اگا رات ٹھکانے سے رہی

دوستی اپنی بھی کچھ روز زمانے سے رہی

چند لمحوں کو ہی بنتی ہیں مصور آنکھیں

زندگی روز تو تصویر بنانے سے رہی

اس اندھیرے میں تو ٹھوکر ہی اجالا دے گی

رات جنگل میں کوئی شمع جلانے سے رہی

فاصلہ چاند بنا دیتا ہے ہر پتھر کو

دور کی روشنی نزدیک تو آنے سے رہی

شہر میں سب کو کہاں ملتی ہے رونے کی جگہ

اپنی عزت بھی یہاں ہنسنے ہنسانے سے رہی

din saliqe se uga rat thikane se rahi

dosti apni bhi kuchh roz zamane se rahi

chand lamhon ko hi banti hain musawwir ankhen

zindagi roz to taswir banane se rahi

is andhere mein to thokar hi ujala degi

rat jangal mein koi shama jalane se rahi

fasla chand bana deta hai har patthar ko

dur ki raushni nazdik to ane se rahi

shahr mein sab ko kahan milti hai rone ki jagah

apni izzat bhi yahan hansne hansane se rahi