مٹھی بھر لوگوں کے ہاتھوں میں لاکھوں کی تقدیریں ہیں

مٹھی بھر لوگوں کے ہاتھوں میں لاکھوں کی تقدیریں ہیں

جدا جدا ہیں دھرم علاقے ایک سی لیکن زنجیریں ہیں

آج اور کل کی بات نہیں ہے صدیوں کی تاریخ یہی ہے

ہر آنگن میں خواب ہیں لیکن چند گھروں میں تعبیریں ہیں

جب بھی کوئی تخت سجا ہے میرا تیرا خون بہا ہے

درباروں کی شان و شوکت میدانوں کی شمشیریں ہیں

ہر جنگل کی ایک کہانی وہ ہی بھینٹ وہی قربانی

گونگی بہری ساری بھیڑیں چرواہوں کی جاگیریں ہیں

mutthi bhar logon ke hathon mein lakhon ki taqdiren hain

juda juda hain dharm ilaqe ek si lekin zanjiren hain

aj aur kal ki bat nahin hai sadiyon ki tarikh yahi hai

har angan mein khwab hain lekin chand gharon mein taabiren hain

jab bhi koi takht saja hai mera tera khun baha hai

darbaron ki shan-o-shaukat maidanon ki shamshiren hain

har jangal ki ek kahani wo hi bhent wahi qurbani

gungi bahri sari bhiren charwahon ki jagiren hain