زمین دی ہے تو تھوڑا سا آسمان بھی دے

زمین دی ہے تو تھوڑا سا آسمان بھی دے

مرے خدا مرے ہونے کا کچھ گمان بھی دے

بنا کے بت مجھے بینائی کا عذاب نہ دے

یہ ہی عذاب ہے قسمت تو پھر زبان بھی دے

یہ کائنات کا پھیلاؤ تو بہت کم ہے

جہاں سما سکے تنہائی وہ مکان بھی دے

میں اپنے آپ سے کب تک کیا کروں باتیں

مری زباں کو کبھی کوئی ترجمان بھی دے

فلک کو چاند ستارے نوازنے والے

مجھے چراغ جلانے کو سائبان بھی دے

zamin di hai to thora sa asman bhi de

mire khuda mire hone ka kuchh guman bhi de

bana ke but mujhe binai ka azab na de

ye hi azab hai qismat to phir zaban bhi de

ye kainat ka phailao to bahut kam hai

jahan sama sake tanhai wo makan bhi de

main apne ap se kab tak kya karun baten

miri zaban ko kabhi koi tarjuman bhi de

falak ko chand sitare nawazne wale

mujhe charagh jalane ko saiban bhi de