ہر گھڑی خود سے الجھنا ہے مقدر میرا

ہر گھڑی خود سے الجھنا ہے مقدر میرا

میں ہی کشتی ہوں مجھی میں ہے سمندر میرا

کس سے پوچھوں کہ کہاں گم ہوں کئی برسوں سے

ہر جگہ ڈھونڈھتا پھرتا ہے مجھے گھر میرا

ایک سے ہو گئے موسموں کے چہرے سارے

میری آنکھوں سے کہیں کھو گیا منظر میرا

مدتیں بیت گئیں خواب سہانا دیکھے

جاگتا رہتا ہے ہر نیند میں بستر میرا

آئنہ دیکھ کے نکلا تھا میں گھر سے باہر

آج تک ہاتھ میں محفوظ ہے پتھر میرا

har ghari khud se ulajhna hai muqaddar mera

main hi kashti hun mujhi mein hai samundar mera

kis se puchhun ke kahan gum hun kai barson se

har jagah dhundhta phirta hai mujhe ghar mera

ek se ho gae mausamon ke chehre sare

meri ankhon se kahin kho gaya manzar mera

muddaten bit gain khwab suhana dekhe

jagta rahta hai har nind mein bistar mera

aina dekh ke nikla tha main ghar se bahar

aj tak hath mein mahfuz hai patthar mera