نئی نئی آنکھیں ہوں تو ہر منظر اچھا لگتا ہے

نئی نئی آنکھیں ہوں تو ہر منظر اچھا لگتا ہے

کچھ دن شہر میں گھومے لیکن اب گھر اچھا لگتا ہے

ملنے جلنے والوں میں تو سب ہی اپنے جیسے ہیں

جس سے اب تک ملے نہیں وہ اکثر اچھا لگتا ہے

میرے آنگن میں آئے یا تیرے سر پر چوٹ لگے

سناٹوں میں بولنے والا پتھر اچھا لگتا ہے

چاہت ہو یا پوجا سب کے اپنے اپنے سانچے ہیں

جو موت میں ڈھل جائے وہ پیکر اچھا لگتا ہے

ہم نے بھی سو کر دیکھا ہے نئے پرانے شہروں میں

جیسا بھی ہے اپنے گھر کا بستر اچھا لگتا ہے

nai nai ankhen hun to har manzar achchha lagta hai

kuchh din shahr mein ghume lekin ab ghar achchha lagta hai

milne jalne walon mein to sab hi apne jaise hain

jis se ab tak mile nahin wo aksar achchha lagta hai

mere angan mein ae ya tere sar par chot lage

sannaton mein bolne wala patthar achchha lagta hai

chahat ho ya puja sab ke apne apne sanche hain

jo maut mein dhal jae wo paikar achchha lagta hai

ham ne bhi so kar dekha hai nae purane shahron mein

jaisa bhi hai apne ghar ka bistar achchha lagta hai