آج ذرا فرصت پائی تھی آج اسے پھر یاد کیا

آج ذرا فرصت پائی تھی آج اسے پھر یاد کیا

بند گلی کے آخری گھر کو کھول کے پھر آباد کیا

کھول کے کھڑکی چاند ہنسا پھر چاند نے دونوں ہاتھوں سے

رنگ اڑائے پھول کھلائے چڑیوں کو آزاد کیا

بڑے بڑے غم کھڑے ہوئے تھے رستہ روکے راہوں میں

چھوٹی چھوٹی خوشیوں سے ہی ہم نے دل کو شاد کیا

بات بہت معمولی سی تھی الجھ گئی تکراروں میں

ایک ذرا سی ضد نے آخر دونوں کو برباد کیا

داناؤں کی بات نہ مانی کام آئی نادانی ہی

سنا ہوا کو پڑھا ندی کو موسم کو استاد کیا

aj zara fursat pai thi aj use phir yad kiya

band gali ke akhiri ghar ko khol ke phir abad kya

khol ke khirki chand hansa phir chand ne donon hathon se

rang urae phul khilae chiriyon ko azad kiya

bare bare gham khare hue the rasta roke rahon mein

chhoti chhoti khushiyon se hi ham ne dil ko shad kya

bat bahut maamuli si thi ulajh gai takraron mein

ek zara si zid ne akhir donon ko barbad kiya

danaon ki bat na mani kam ai nadani hi

suna hawa ko parha nadi ko mausam ko ustad kya