دو چار گام راہ کو ہموار دیکھنا

دو چار گام راہ کو ہموار دیکھنا

پھر ہر قدم پہ اک نئی دیوار دیکھنا

آنکھوں کی روشنی سے ہے ہر سنگ آئینہ

ہر آئنہ میں خود کو گنہ گار دیکھنا

ہر آدمی میں ہوتے ہیں دس بیس آدمی

جس کو بھی دیکھنا ہو کئی بار دیکھنا

میداں کی ہار جیت تو قسمت کی بات ہے

ٹوٹی ہے کس کے ہاتھ میں تلوار دیکھنا

دریا کے اس کنارے ستارے بھی پھول بھی

دریا چڑھا ہوا ہو تو اس پار دیکھنا

اچھی نہیں ہے شہر کے رستوں سے دوستی

آنگن میں پھیل جائے نہ بازار دیکھنا

do char gam rah ko hamwar dekhna

phir har qadam pe ik nai diwar dekhna

ankhon ki raushni se hai har sang aina

har aina mein khud ko gunah gar dekhna

har admi mein hote hain das bis admi

jis ko bhi dekhna ho kai bar dekhna

maidan ki har jit to qismat ki bat hai

tuti hai kis ke hath mein talwar dekhna

dariya ke us kinare sitare bhi phul bhi

dariya charha hua ho to us par dekhna

achchhi nahin hai shahr ke raston se dosti

angan mein phail jae na bazar dekhna