ہر طرف ہر جگہ بے شمار آدمی

ہر طرف ہر جگہ بے شمار آدمی

پھر بھی تنہائیوں کا شکار آدمی

صبح سے شام تک بوجھ ڈھوتا ہوا

اپنی ہی لاش کا خود مزار آدمی

ہر طرف بھاگتے دوڑتے راستے

ہر طرف آدمی کا شکار آدمی

روز جیتا ہوا روز مرتا ہوا

ہر نئے دن نیا انتظار آدمی

گھر کی دہلیز سے گیہوں کے کھیت تک

چلتا پھرتا کوئی کاروبار آدمی

زندگی کا مقدر سفر در سفر

آخری سانس تک بے قرار آدمی

har taraf har jagah be shumar admi

phir bhi tanhaiyon ka shikar admi

subh se sham tak bojh dhota hua

apni hi lash ka khud mazar admi

har taraf bhagte daurte raste

har taraf admi ka shikar admi

roz jita hua roz marta hua

har nae din naya intizar admi

ghar ki dahliz se gehun ke khet tak

chalta phirta koi karobar admi

zindagi ka muqaddar safar dar safar

akhiri sans tak be qarar admi