جو ہو اک بار وہ ہر بار ہو ایسا نہیں ہوتا

جو ہو اک بار وہ ہر بار ہو ایسا نہیں ہوتا

ہمیشہ ایک ہی سے پیار ہو ایسا نہیں ہوتا

ہر اک کشتی کا اپنا تجربہ ہوتا ہے دریا میں

سفر میں روز ہی منجدھار ہو ایسا نہیں ہوتا

کہانی میں تو کرداروں کو جو چاہے بنا دیجے

حقیقت بھی کہانی کار ہو ایسا نہیں ہوتا

کہیں تو کوئی ہوگا جس کو اپنی بھی ضرورت ہو

ہر اک بازی میں دل کی ہار ہو ایسا نہیں ہوتا

سکھا دیتی ہیں چلنا ٹھوکریں بھی راہگیروں کو

کوئی رستہ سدا دشوار ہو ایسا نہیں ہوتا

jo ho ik bar wo har bar ho aisa nahin hota

hamesha ek hi se pyar ho aisa nahin hota

har ik kashti ka apna tajriba hota hai dariya mein

safar mein roz hi manjdhar ho aisa nahin hota

kahani mein to kirdaron ko jo chahe bana dije

haqiqat bhi kahani kar ho aisa nahin hota

kahin to koi hoga jis ko apni bhi zarurat ho

har ik bazi mein dil ki har ho aisa nahin hota

sikha deti hain chalna thokaren bhi rahgiron ko

koi rasta sada dushwar ho aisa nahin hota