بیسن کی سوندھی روٹی پر کھٹی چٹنی جیسی ماں

بیسن کی سوندھی روٹی پر کھٹی چٹنی جیسی ماں

یاد آتی ہے! چوکا باسن چمٹا پھکنی جیسی ماں

بانس کی کھری کھاٹ کے اوپر ہر آہٹ پر کان دھرے

آدھی سوئی آدھی جاگی تھکی دوپہری جیسی ماں

چڑیوں کی چہکار میں گونجے رادھا موہن علی علی

مرغے کی آواز سے بجتی گھر کی کنڈی جیسی ماں

بیوی بیٹی بہن پڑوسن تھوڑی تھوڑی سی سب میں

دن بھر اک رسی کے اوپر چلتی نٹنی جیسی ماں

بانٹ کے اپنا چہرہ ماتھا آنکھیں جانے کہاں گئی

پھٹے پرانے اک البم میں چنچل لڑکی جیسی ماں

besan ki sondhi roti par khati chatni jaisi man

yad ati hai! choka basan chimta phakni jaisi man

bans ki khurri khat ke upar har ahat par kan dhare

adhi soi adhi jagi thaki dopahari jaisi man

chiriyon ki chahkar mein gunje radha mohan ali ali

marghe ki awaz se bajti ghar ki kandi jaisi man

biwi beti bahan parosan thori thori si sab mein

din bhar ik rassi ke upar chalti natni jaisi man

bant ke apna chehra matha ankhen jane kahan gai

phate purane ik albam mein chanchal larki jaisi man