نزدیکیوں میں دور کا منظر تلاش کر

نزدیکیوں میں دور کا منظر تلاش کر

جو ہاتھ میں نہیں ہے وہ پتھر تلاش کر

سورج کے ارد گرد بھٹکنے سے فائدہ

دریا ہوا ہے گم تو سمندر تلاش کر

تاریخ میں محل بھی ہے حاکم بھی تخت بھی

گمنام جو ہوئے ہیں وہ لشکر تلاش کر

رہتا نہیں ہے کچھ بھی یہاں ایک سا سدا

دروازہ گھر کا کھول کے پھر گھر تلاش کر

کوشش بھی کر امید بھی رکھ راستہ بھی چن

پھر اس کے بعد تھوڑا مقدر تلاش کر

nazdikiyon mein dur ka manzar talash kar

jo hath mein nahin hai wo patthar talash kar

suraj ke urad gard bhatakne se faida

dariya hua hai gum to samundar talash kar

tarikh mein mahal bhi hai hakim bhi takht bhi

gumnam jo hue hain wo lashkar talash kar

rahta nahin hai kuchh bhi yahan ek sa sada

darwaza ghar ka khol ke phir ghar talash kar

koshish bhi kar umid bhi rakh rasta bhi chun

phir is ke baad thora muqaddar talash kar