تنہا تنہا دکھ جھیلیں گے محفل محفل گائیں گے

تنہا تنہا دکھ جھیلیں گے محفل محفل گائیں گے

جب تک آنسو پاس رہیں گے تب تک گیت سنائیں گے

تم جو سوچو وہ تم جانو ہم تو اپنی کہتے ہیں

دیر نہ کرنا گھر آنے میں ورنہ گھر کھو جائیں گے

بچوں کے چھوٹے ہاتھوں کو چاند ستارے چھونے دو

چار کتابیں پڑھ کر یہ بھی ہم جیسے ہو جائیں گے

اچھی صورت والے سارے پتھر دل ہوں ممکن ہے

ہم تو اس دن رائے دیں گے جس دن دھوکا کھائیں گے

کن راہوں سے سفر ہے آساں کون سا رستہ مشکل ہے

ہم بھی جب تھک کر بیٹھیں گے اوروں کو سمجھائیں گے

tanha tanha dukh jhelenge mahfil mahfil gaenge

jab tak ansu pas rahenge tab tak git sunaenge

tum jo socho wo tum jano ham to apni kahte hain

der na karna ghar ane mein warna ghar kho jaenge

bachchon ke chhote hathon ko chand sitare chhune do

char kitaben parh kar ye bhi ham jaise ho jaenge

achchhi surat wale sare patthar dil hun mumkin hai

ham to us din rae denge jis din dhoka khaenge

kin rahon se safar hai asan kaun sa rasta mushkil hai

ham bhi jab thak kar baithenge auron ko samjhaenge