اپنا غم لے کے کہیں اور نہ جایا جائے

اپنا غم لے کے کہیں اور نہ جایا جائے

گھر میں بکھری ہوئی چیزوں کو سجایا جائے

جن چراغوں کو ہواؤں کا کوئی خوف نہیں

ان چراغوں کو ہواؤں سے بچایا جائے

خود کشی کرنے کی ہمت نہیں ہوتی سب میں

اور کچھ دن ابھی اوروں کو ستایا جائے

باغ میں جانے کے آداب ہوا کرتے ہیں

کسی تتلی کو نہ پھولوں سے اڑایا جائے

کیا ہوا شہر کو کچھ بھی تو دکھائی دے کہیں

یوں کیا جائے کبھی خود کو رلایا جائے

گھر سے مسجد ہے بہت دور چلو یوں کر لیں

کسی روتے ہوئے بچے کو ہنسایا جائے

apna gham le ke kahin aur na jaya jae

ghar mein bikhri hui chizon ko sajaya jae

jin charaghon ko hawaon ka koi khauf nahin

in charaghon ko hawaon se bachaya jae

khud kashi karne ki himmat nahin hoti sab mein

aur kuchh din abhi auron ko sataya jae

bagh mein jane ke adab hua karte hain

kisi titli ko na phulon se uraya jae

kya hua shahr ko kuchh bhi to dikhai de kahin

yun kiya jae kabhi khud ko rulaya jae

ghar se masjid hai bahut dur chalo yun kar len

kisi rote hue bachche ko hansaya jae