دنیا جسے کہتے ہیں جادو کا کھلونا ہے

دنیا جسے کہتے ہیں جادو کا کھلونا ہے

مل جائے تو مٹی ہے کھو جائے تو سونا ہے

اچھا سا کوئی موسم تنہا سا کوئی عالم

ہر وقت کا رونا تو بے کار کا رونا ہے

برسات کا بادل تو دیوانہ ہے کیا جانے

کس راہ سے بچنا ہے کس چھت کو بھگونا ہے

یہ وقت جو تیرا ہے یہ وقت جو میرا ہے

ہر گام پہ پہرا ہے پھر بھی اسے کھونا ہے

غم ہو کہ خوشی دونوں کچھ دور کے ساتھی ہیں

پھر رستہ ہی رستہ ہے ہنسنا ہے نہ رونا ہے

آوارہ مزاجی نے پھیلا دیا آنگن کو

آکاش کی چادر ہے دھرتی کا بچھونا ہے

duniya jise kahte hain jadu ka khilauna hai

mil jae to mitti hai kho jae to sona hai

achchha sa koi mausam tanha sa koi alam

har waqt ka rona to be kar ka rona hai

barsat ka badal to diwana hai kya jane

kis rah se bachna hai kis chhat ko bhigona hai

ye waqt jo tera hai ye waqt jo mera hai

har gam pe pahra hai phir bhi use khona hai

gham ho ke khushi donon kuchh dur ke sathi hain

phir rasta hi rasta hai hansna hai na rona hai

awara mizaji ne phaila diya angan ko

akash ki chadar hai dharti ka bichhauna hai