دھوپ میں نکلو گھٹاؤں میں نہا کر دیکھو

دھوپ میں نکلو گھٹاؤں میں نہا کر دیکھو

زندگی کیا ہے کتابوں کو ہٹا کر دیکھو

صرف آنکھوں سے ہی دنیا نہیں دیکھی جاتی

دل کی دھڑکن کو بھی بینائی بنا کر دیکھو

پتھروں میں بھی زباں ہوتی ہے دل ہوتے ہیں

اپنے گھر کے در و دیوار سجا کر دیکھو

وہ ستارہ ہے چمکنے دو یوں ہی آنکھوں میں

کیا ضروری ہے اسے جسم بنا کر دیکھو

فاصلہ نظروں کا دھوکہ بھی تو ہو سکتا ہے

وہ ملے یا نہ ملے ہاتھ بڑھا کر دیکھو

dhup mein niklo ghataon mein naha kar dekho

zindagi kya hai kitabon ko hata kar dekho

sirf ankhon se hi duniya nahin dekhi jati

dil ki dharkan ko bhi binai bana kar dekho

pattharon mein bhi zaban hoti hai dil hote hain

apne ghar ke dar-o-diwar saja kar dekho

wo sitara hai chamakne do yun hi ankhon mein

kya zaruri hai use jism bana kar dekho

fasla nazron ka dhoka bhi to ho sakta hai

wo mile ya na mile hath barha kar dekho