بے نام سا یہ درد ٹھہر کیوں نہیں جاتا

بے نام سا یہ درد ٹھہر کیوں نہیں جاتا

جو بیت گیا ہے وہ گزر کیوں نہیں جاتا

سب کچھ تو ہے کیا ڈھونڈھتی رہتی ہیں نگاہیں

کیا بات ہے میں وقت پے گھر کیوں نہیں جاتا

وہ ایک ہی چہرہ تو نہیں سارے جہاں میں

جو دور ہے وہ دل سے اتر کیوں نہیں جاتا

میں اپنی ہی الجھی ہوئی راہوں کا تماشہ

جاتے ہیں جدھر سب میں ادھر کیوں نہیں جاتا

وہ خواب جو برسوں سے نہ چہرہ نہ بدن ہے

وہ خواب ہواؤں میں بکھر کیوں نہیں جاتا

be nam sa ye dard thahar kyun nahin jata

jo bit gaya hai wo guzar kyun nahin jata

sab kuchh to hai kya dhundhti rahti hain nigahen

kya bat hai main waqt pe ghar kyun nahin jata

wo ek hi chehra to nahin sare jahan mein

jo dur hai wo dil se utar kyun nahin jata

main apni hi uljhi hui rahon ka tamasha

jate hain jidhar sab mein idhar kyun nahin jata

wo khwab jo barson se na chehra na badan hai

wo khwab hawaon mein bikhar kyun nahin jata