کل جنہیں زندگی تھی راس بہت

کل جنہیں زندگی تھی راس بہت

آج دیکھا انہیں اداس بہت

رفتگاں کا نشاں نہیں ملتا

اک رہی ہے زمین گھاس بہت

کیوں نہ روؤں تری جدائی میں

دن گزارے ہیں تیرے پاس بہت

چھاؤں مل جائے دامن گل کی

ہے غریبی میں یہ لباس بہت

وادئ دل میں پاؤں دیکھ کے رکھ

ہے یہاں درد کی اگاس بہت

سوکھے پتوں کو دیکھ کر ناصرؔ

یاد آتی ہے گل کی باس بہت

kal jinhen zindagi thi ras bahut

aj dekha unhen udas bahut

raftagan ka nishan nahin milta

ik rahi hai zamin ghas bahut

kyun na roun tiri judai mein

din guzare hain tere pas bahut

chhaon mil jae daman-e-gul ki

hai gharibi mein ye libas bahut

wadi-e-dil mein paon dekh ke rakh

hai yahan dard ki ugus bahut

sukhe patton ko dekh kar nasir

yad ati hai gul ki bas bahut