اولیں چاند نے کیا بات سجھائی مجھ کو

اولیں چاند نے کیا بات سجھائی مجھ کو

یاد آئی تری انگشت حنائی مجھ کو

سر ایوان طرب نغمہ سرا تھا کوئی

رات بھر اس نے تری یاد دلائی مجھ کو

دیکھتے دیکھتے تاروں کا سفر ختم ہوا

سو گیا چاند مگر نیند نہ آئی مجھ کو

انہی آنکھوں نے دکھائے کئی بھرپور جمال

انہیں آنکھوں نے شب ہجر دکھائی مجھ کو

سائے کی طرح مرے ساتھ رہے رنج و الم

گردش وقت کہیں راس نہ آئی مجھ کو

دھوپ ادھر ڈھلتی تھی دل ڈوبتا جاتا تھا ادھر

آج تک یاد ہے وہ شام جدائی مجھ کو

شہر لاہور تری رونقیں دائم آباد

تیری گلیوں کی ہوا کھینچ کے لائی مجھ کو

awwalin chand ne kya bat sujhai mujh ko

yad ai tiri angishat-e-hinai mujh ko

sar-e-aiwan-e-tarab naghma sara tha koi

rat bhar us ne tiri yad dilai mujh ko

dekhte dekhte taron ka safar khatm hua

so gaya chand magar nind na ai mujh ko

unhi ankhon ne dikhae kai bharpur jamal

unhen ankhon ne shab-e-hijr dikhai mujh ko

sae ki tarah mire sath rahe ranj-o-alam

gardish-e-waqt kahin ras na ai mujh ko

dhup idhar dhalti thi dil dubta jata tha idhar

aj tak yad hai wo sham-e-judai mujh ko

shahr lahor tiri raunaqen daim abad

teri galiyon ki hawa khinch ke lai mujh ko