او میرے مصروف خدا

او میرے مصروف خدا

اپنی دنیا دیکھ ذرا

اتنی خلقت کے ہوتے

شہروں میں ہے سناٹا

جھونپڑی والوں کی تقدیر

بجھا بجھا سا ایک دیا

خاک اڑاتے ہیں دن رات

میلوں پھیل گئے صحرا

زاغ و زغن کی چیخوں سے

سونا جنگل گونج اٹھا

سورج سر پہ آ پہنچا

گرمی ہے یا روز جزا

پیاسی دھرتی جلتی ہے

سوکھ گئے بہتے دریا

فصلیں جل کر راکھ ہوئیں

نگری نگری کال پڑا

o mere masruf-e-khuda

apni duniya dekh zara

itni khilqat ke hote

shahron mein hai sannata

jhonpari walon ki taqdir

bujha bujha sa ek diya

khak urate hain din rat

melun phail gae sahra

zagh-o-zaghan ki chikhon se

sona jangal gunj utha

suraj sar pe a pahuncha

garmi hai ya roz-e-jaza

pyasi dharti jalti hai

sukh gae bahte dariya

faslen jal kar rakh huin

nagri nagri kal para