تیری زلفوں کے بکھرنے کا سبب ہے کوئی

تیری زلفوں کے بکھرنے کا سبب ہے کوئی

آنکھ کہتی ہے ترے دل میں طلب ہے کوئی

آنچ آتی ہے ترے جسم کی عریانی سے

پیرہن ہے کہ سلگتی ہوئی شب ہے کوئی

ہوش اڑانے لگیں پھر چاند کی ٹھنڈی کرنیں

تیری بستی میں ہوں یا خواب طرب ہے کوئی

گیت بنتی ہے ترے شہر کی بھرپور ہوا

اجنبی میں ہی نہیں تو بھی عجب ہے کوئی

لیے جاتی ہیں کسی دھیان کی لہریں ناصرؔ

دور تک سلسلۂ تاک طرب ہے کوئی

teri zulfon ke bikharne ka sabab hai koi

ankh kahti hai tire dil mein talab hai koi

anch ati hai tire jism ki uryani se

pairahan hai ke sulagti hui shab hai koi

hosh urane lagen phir chand ki thandi kirnen

teri basti mein hun ya khwab-e-tarab hai koi

git banti hai tire shahr ki bharpur hua

ajnabi mein hi nahin tu bhi ajab hai koi

liye jati hain kisi dhyan ki lahren nasir

dur tak silsila-e-tak tarab hai koi