دیکھ محبت کا دستور

دیکھ محبت کا دستور

تو مجھ سے میں تجھ سے دور

تنہا تنہا پھرتے ہیں

دل ویراں آنکھیں بے نور

دوست بچھڑتے جاتے ہیں

شوق لیے جاتا ہے دور

ہم اپنا غم بھول گئے

آج کسے دیکھا مجبور

دل کی دھڑکن کہتی ہے

آج کوئی آئے گا ضرور

کوشش لازم ہے پیارے

آگے جو اس کو منظور

سورج ڈوب چلا ناصرؔ

اور ابھی منزل ہے دور

dekh mohabbat ka dastur

tu mujh se main tujh se dur

tanha tanha phirte hain

dil wiran ankhen be nur

dost bichharte jate hain

shauq liye jata hai dur

ham apna gham bhul gae

aj kise dekha majbur

dil ki dharkan kahti hai

aj koi aega zarur

koshish lazim hai pyare

age jo us ko manzur

suraj dub chala nasir

aur abhi manzil hai dur