شہر سنسان ہے کدھر جائیں

شہر سنسان ہے کدھر جائیں

خاک ہو کر کہیں بکھر جائیں

رات کتنی گزر گئی لیکن

اتنی ہمت نہیں کہ گھر جائیں

یوں ترے دھیان سے لرزتا ہوں

جیسے پتے ہوا سے ڈر جائیں

ان اجالوں کی دھن میں پھرتا ہوں

چھب دکھاتے ہی جو گزر جائیں

رین اندھیری ہے اور کنارہ دور

چاند نکلے تو پار اتر جائیں

shahr sunsan hai kidhar jaen

khak ho kar kahin bikhar jaen

rat kitni guzar gai lekin

itni himmat nahin ke ghar jaen

yun tire dhyan se larazta hun

jaise patte hawa se dar jaen

in ujalon ki dhun mein phirta hun

chhab dikhate hi jo guzar jaen

rain andheri hai aur kinara dur

chand nikle to par utar jaen