گلی گلی مری یاد بچھی ہے پیارے رستہ دیکھ کے چل

گلی گلی مری یاد بچھی ہے پیارے رستہ دیکھ کے چل

مجھ سے اتنی وحشت ہے تو میری حدوں سے دور نکل

ایک سمے ترا پھول سا نازک ہاتھ تھا میرے شانوں پر

ایک یہ وقت کہ میں تنہا اور دکھ کے کانٹوں کا جنگل

یاد ہے اب تک تجھ سے بچھڑنے کی وہ اندھیری شام مجھے

تو خاموش کھڑا تھا لیکن باتیں کرتا تھا کاجل

میں تو ایک نئی دنیا کی دھن میں بھٹکتا پھرتا ہوں

میری تجھ سے کیسے نبھے گی ایک ہیں تیرے فکر و عمل

میرا منہ کیا دیکھ رہا ہے دیکھ اس کالی رات کو دیکھ

میں وہی تیرا ہم راہی ہوں ساتھ مرے چلنا ہو تو چل

gali gali miri yad bichhi hai pyare rasta dekh ke chal

mujh se itni wahshat hai to meri hadon se dur nikal

ek samay tira phul sa nazuk hath tha mere shanon par

ek ye waqt ke main tanha aur dukh ke kanton ka jangal

yad hai ab tak tujh se bichharne ki wo andheri sham mujhe

tu khamosh khara tha lekin baten karta tha kajal

main to ek nai duniya ki dhun mein bhatakta phirta hun

meri tujh se kaise nibhegi ek hain tere fikr-o-amal

mera munh kya dekh raha hai dekh is kali rat ko dekh

main wahi tera ham rahi hun sath mire chalna ho to chal