پھر ساون رت کی پون چلی تم یاد آئے

پھر ساون رت کی پون چلی تم یاد آئے

پھر پتوں کی پازیب بجی تم یاد آئے

پھر کونجیں بولیں گھاس کے ہرے سمندر میں

رت آئی پیلے پھولوں کی تم یاد آئے

پھر کاگا بولا گھر کے سونے آنگن میں

پھر امرت رس کی بوند پڑی تم یاد آئے

پہلے تو میں چیخ کے رویا اور پھر ہنسنے لگا

بادل گرجا بجلی چمکی تم یاد آئے

دن بھر تو میں دنیا کے دھندوں میں کھویا رہا

جب دیواروں سے دھوپ ڈھلی تم یاد آئے

phir sawan rut ki paun chali tum yad ae

phir patton ki pazeb baji tum yad ae

phir kunjen bolen ghas ke hare samundar mein

rut ai pile phulon ki tum yad ae

phir kaga bola ghar ke sone angan mein

phir amrit ras ki bund pari tum yad ae

pahle to main chikh ke roya aur phir hansne laga

badal garja bijli chamki tum yad ae

din bhar to main duniya ke dhundon mein khoya raha

jab diwaron se dhup dhali tum yad ae