کیا زمانہ تھا کہ ہم روز ملا کرتے تھے

کیا زمانہ تھا کہ ہم روز ملا کرتے تھے

رات بھر چاند کے ہم راہ پھرا کرتے تھے

جہاں تنہائیاں سر پھوڑ کے سو جاتی ہیں

ان مکانوں میں عجب لوگ رہا کرتے تھے

کر دیا آج زمانے نے انہیں بھی مجبور

کبھی یہ لوگ مرے دکھ کی دوا کرتے تھے

دیکھ کر جو ہمیں چپ چاپ گزر جاتا ہے

کبھی اس شخص کو ہم پیار کیا کرتے تھے

اتفاقات زمانہ بھی عجب ہیں ناصر

آج وہ دیکھ رہے ہیں جو سنا کرتے تھے

kya zamana tha ke ham roz mila karte the

rat bhar chand ke ham rah phira karte the

jahan tanhaiyan sar phor ke so jati hain

in makanon mein ajab log raha karte the

kar diya aj zamane ne unhen bhi majbur

kabhi ye log mire dukh ki dawa karte the

dekh kar jo hamen chup chap guzar jata hai

kabhi us shakhs ko ham pyar kiya karte the

ittifaqat zamana bhi ajab hain nasir

aj wo dekh rahe hain jo suna karte the