وہ ساحلوں پہ گانے والے کیا ہوئے

وہ ساحلوں پہ گانے والے کیا ہوئے

وہ کشتیاں چلانے والے کیا ہوئے

وہ صبح آتے آتے رہ گئی کہاں

جو قافلے تھے آنے والے کیا ہوئے

میں ان کی راہ دیکھتا ہوں رات بھر

وہ روشنی دکھانے والے کیا ہوئے

یہ کون لوگ ہیں مرے ادھر ادھر

وہ دوستی نبھانے والے کیا ہوئے

وہ دل میں کھبنے والی آنکھیں کیا ہوئیں

وہ ہونٹ مسکرانے والے کیا ہوئے

عمارتیں تو جل کے راکھ ہو گئیں

عمارتیں بنانے والے کیا ہوئے

اکیلے گھر سے پوچھتی ہے بے کسی

ترا دیا جلانے والے کیا ہوئے

یہ آپ ہم تو بوجھ ہیں زمین کا

زمیں کا بوجھ اٹھانے والے کیا ہوئے

wo sahilon pe gane wale kiya hue

wo kashtiyan chillane wale kiya hue

wo subh ate ate rah gai kahan

jo qafile the ane wale kiya hue

main un ki rah dekhta hun rat bhar

wo raushni dikhane wale kiya hue

ye kaun log hain mire idhar idhar

wo dosti nibhane wale kiya hue

wo dil mein khabne wali ankhen kiya huin

wo hont muskurane wale kiya hue

imaraten to jal ke rakh ho gain

imaraten banane wale kya hue

akele ghar se puchhti hai be kisi

tira diya jalane wale kya hue

ye ap ham to bojh hain zamin ka

zamin ka bojh uthane wale kya hue