اپنی دھن میں رہتا ہوں

اپنی دھن میں رہتا ہوں

میں بھی تیرے جیسا ہوں

او پچھلی رت کے ساتھی

اب کے برس میں تنہا ہوں

تیری گلی میں سارا دن

دکھ کے کنکر چنتا ہوں

مجھ سے آنکھ ملائے کون

میں تیرا آئینہ ہوں

میرا دیا جلائے کون

میں ترا خالی کمرہ ہوں

تیرے سوا مجھے پہنے کون

میں ترے تن کا کپڑا ہوں

تو جیون کی بھری گلی

میں جنگل کا رستہ ہوں

آتی رت مجھے روئے گی

جاتی رت کا جھونکا ہوں

اپنی لہر ہے اپنا روگ

دریا ہوں اور پیاسا ہوں

apni dhun mein rahta hun

main bhi tere jaisa hun

o pichhli rut ke sathi

ab ke baras mein tanha hun

teri gali mein sara din

dukh ke kankar chunta hun

mujh se ankh milae kaun

main tera aina hun

mera diya jalae kaun

main tira khali kamra hun

tere siwa mujhe pahne kaun

main tire tan ka kapra hun

tu jiwan ki bhari gali

main jangal ka rasta hun

ati rut mujhe ru-e-gi

jati rut ka jhonka hun

apni lahr hai apna rog

dariya hun aur pyasa hun