زور پیدا جسم و جاں کی ناتوانی سے ہوا

زور پیدا جسم و جاں کی ناتوانی سے ہوا

شور شہروں میں مسلسل بے زبانی سے ہوا

دیر تک کی زندگی کی خواہشیں اس بت کو ہیں

شوق اس کو انتہا کا عمر فانی سے ہوا

میں ہوا ناکام اپنی بے یقینی کے سبب

جو ہوا سب میرے دل کی بد گمانی سے ہوا

ہے نشاں میرا بھی شاید شش جہات دہر میں

یہ گماں مجھ کو خود اپنی بے نشانی سے ہوا

تھا منیرؔ آغاز ہی سے راستہ اپنا غلط

اس کا اندازہ سفر کی رائگانی سے ہوا

zor paida jism-o-jan ki natawani se hua

shor shahron mein musalsal be zabani se hua

der tak ki zindagi ki khwahishen us but ko hain

shauq us ko intiha ka umr-e-fani se hua

main hua nakam apni be yaqini ke sabab

jo hua sab mere dil ki bad gumani se hua

hai nishan mera bhi shayad shash jihat-e-dahr mein

ye guman mujh ko khud apni be nishani se hua

tha munir aghaz hi se rasta apna ghalat

us ka andaza safar ki raigani se hua