ابھی مجھے اک دشت‌ صدا کی ویرانی سے گزرنا ہے

ابھی مجھے اک دشت‌ صدا کی ویرانی سے گزرنا ہے

ایک مسافت ختم ہوئی ہے ایک سفر ابھی کرنا ہے

گری ہوئی دیواروں میں جکڑے سے ہوئے دروازوں کی

خاکستر سی دہلیزوں پر سرد ہوا نے ڈرنا ہے

ڈر جانا ہے دشت و جبل نے تنہائی کی ہیبت سے

آدھی رات کو جب مہتاب نے تاریکی سے ابھرنا ہے

یہ تو ابھی آغاز ہے جیسے اس پنہائے حیرت کا

آنکھ نے اور سنور جانا ہے رنگ نے اور نکھرنا ہے

جیسے زر کی پیلاہٹ میں موج خون اترتی ہے

زہر زر کے تند نشے نے دیدہ و دل میں اترنا ہے

abhi mujhe ik dasht sada ki wirani se guzarna hai

ek masafat khatm hui hai ek safar abhi karna hai

giri hui diwaron mein jakre se hue darwazon ki

khakistar si dahlizon par sard hawa ne darna hai

dar jana hai dasht-o-jabal ne tanhai ki haibat se

adhi rat ko jab mahtab ne tariki se ubharna hai

ye to abhi aghaz hai jaise is panha-e-hairat ka

ankh ne aur sanwar jana hai rang ne aur nikharna hai

jaise zar ki pilahat mein mauj-e-khun utarti hai

zahr zar ke tund nashe ne dida-o-dil mein utarna hai