اس کا نقشہ ایک بے ترتیب افسانے کا تھا

اس کا نقشہ ایک بے ترتیب افسانے کا تھا

یہ تماشا تھا یا کوئی خواب دیوانے کا تھا

سارے کرداروں میں بے رشتہ تعلق تھا کوئی

ان کی بے ہوشی میں غم سا ہوش آ جانے کا تھا

عشق کیا ہم نے کیا آوارگی کے عہد میں

اک جتن بے چینیوں سے دل کو بہلانے کا تھا

خواہشیں ہیں گھر سے باہر دور جانے کی بہت

شوق لیکن دل میں واپس لوٹ کر آنے کا تھا

لے گیا دل کو جو اس محفل کی شب میں اے منیرؔ

اس حسیں کا بزم میں انداز شرمانے کا تھا

us ka naqsha ek be tartib afsane ka tha

ye tamasha tha ya koi khwab diwane ka tha

sare kirdaron mein be rishta taalluq tha koi

un ki be hoshi mein gham sa hosh a jane ka tha

ishq kya ham ne kiya awargi ke ahd mein

ik jatan be chiniyon se dil ko bahlane ka tha

khwahishen hain ghar se bahar dur jane ki bahut

shauq lekin dil mein wapas laut kar ane ka tha

le gaya dil ko jo is mahfil ki shab mein ai munir

is hasin ka bazm mein andaz sharmane ka tha